Містна орґанізація Русиньской оброды на Словеньску (МО РОС) в кооперації з обчаньскым здружінём Лабірьскы Русины каждый рік орґанізує успішный проєкт ,,По стежках русиньскых предків“, котрый ся тїшыть великому інтересу школ і молодой ґенерації.

Проєкт ся реалізує в рамках русиньскых теріторій окресїв Снина, Свідник і Меджілабірцї, де ся находять вызначны історічны і културны місця повязаны з традіціями і жывотом русиньского жытельства. 

Цїлём проєкту є приближыти дїтём і штудентім културну дїдовизну, язык і способ жывота нашых русиньскых предків посередництвом навщів міст, ремеселных укажок, фолклорных выступлїнь і творивых актівіт.

Подїю підпорує познаня властных корїнїв, честь ку традіціям і формофованя реґіоналной ідентіты молодых людей. Каждый рочнік приносить новы темы, локаліты і зажыткы, котры перепоїють історію зо сучасностёв а доказують, же русиньска култура мать своє певне місце і в днешнїй добі.