Лабірьскы Русины є обчаньске здружіня, котре взникло з цїлём сокотити, розвивати і презентовати русиньску културу, традіції і ідентіту в містї Меджілабірцї і ёго околіцї. Здружіня  дїять як платформа про културны, сполоченьскы і навчалны актівіты, котры приспівають ку підпорї реґіоналной свідомости і посилнёваню русиньской народностной ідентіты. 

Нашов актівітов надвязуєме на богату дїдовизну русиньского народа – підпоруєме фолклор, традічны ремесла, язык, спів, духовны і културны годноты, котры суть неоддїлнoв частёв нашой історії і каждоденного жывота. 

Здружіня орґанізує подїї, выставы, фестівалы, конференції і проєкты, котрых цїлём є не лем презентація русиньской културы, але і будованя взаємной кооперації з інштітуціями, школами, самосправами і културныма орґанізаціями на реґіоналній і народній уровни. 

Віриме, же посередництвом нашой роботы приспіваме ку всокочіню културной розмаїтости Словеньска і ку тому, жебы русиньскы традіції і язык мали своє певне місце і в сучасности.