Vse postupňi i postupňi čitame, že Sloveňsko je na takzvaňi "grecki dorohy". To značiť, že žŷtele Sloveňska majuť vse meňše i meňše piňazi. A každŷj deň čitame o novŷch kavzach našoj "socialno-demokratičnoj-nacionalnoj vladŷ". Tak samo aj dnes humorističnŷj portal Zomri informovav, že Narodna banka Sloveňska upozorňuje na to, že stav financiji s’a začinať podobaty tŷm greckŷm na jakim bŷv pered dovhovov krizov. Socialnŷ vŷdavkŷ perekročily 40% prijmiv štatu a bŷly vŷšŷ jak v roci 2008 v Grecku.

Dokoli sobi budeme pered tŷm zakrŷvaty oči? Dokoli budeme viriti falošnŷm sľubom našŷch takzvanŷch konzervativistiv, jakŷ nam budut ťahaty medovŷ motuzkŷ popid bajuzkŷ o ťim, že chlop je chlopom i žena ženov (što každŷj aj bez ich kortešačok znať) a nebudeme viďiti, že ekonomika ide do ... ?